३० जानेवारी २०२१
२९ जानेवारी २०२१
आयुष्यरुपी गाडी
आयुष्यरुपी गाडीमध्ये...
असावा एक पारदर्शक काच
ज्यातून दिसावा आयुष्याच्या वाटेवर आलेल्या व्यक्तीचा खराखुरा नाच...
असावा जबाबदारीचा सीटबेल्ट
ज्याने कुटुंबासोबत अस बांधाव की जणू एक नट-बोल्ट...
असावा एक आशीर्वादाचा मजबूत हेल्मेट
ज्याने सुरक्षितपणे पूर्ण करावी होणारी भेट...
असावी एक विश्वासरुपी प्रथमोपचार पेटी
जिच्यामुळे पूर्ण व्हाव्या अजुनही काही भेटी...
असावा एक गुरुरूपी हॉर्न
ज्याने प्रत्येक वळणावर करावं वॉर्न...
असावी एक मैत्रीरुपी स्टेपनी
जिच्या प्रत्येक प्रसंगात याव्या आठवणी...
असावा एक वडीलरूपी स्टेअरिंग
ज्यांनी संकटांना तोंड देण्याचं द्यावं डेअरिंग...
असावा मुलांरुपी आरसा
ज्यांनी दाखवावा भुतकाळात तुम्ही जपलेला वारसा...
आयुष्याची ही गाडी चालव सावकाश....
जरा होऊन जाऊ दे..
सागराहून अथांग तुझ्या यशाचा प्रकाश
करून वाटेवरील प्रत्येक संकटाचा विनाश.....
१५ जानेवारी २०२१
मी
मी
मतदानाच्या दिवशी घरी राहतो...
आणि निवडून आलेल्या उमेदवाराच्या नावाने खडे फोडतो
माझ काम असेल तर शे दोनशे देऊन पूर्ण करतो...
आणि नंतर भ्रष्टाचार खूप वाढलाय म्हणून ओरडतो
मुलगी दिसली की आचकत विचकत बोलतो...
आणि नंतर स्त्रीयांवर एवढे अन्याय का होतात हा विचार करतो
कष्ट करायला आळस करतो...
आणि यश नाही मिळाल म्हणून नशिबाच्या नावाने रडतो
हक्काच्या नावाने नेहमी ओरडतो...
आणि कर्तव्य मात्र विसरतो
एखाद्याचे आडनाव कळताच जातीचा वेध घेतो....
आणि नंतर बोलतो जाती मधील भेदभाव कधी थांबतो
पण आता मला कळलं....
शर्यतीत भाग न घेता मी शर्यत जिंकू शकत नाही
आणि स्वतः सुधारल्याशिवाय चांगल्या नगराची व सागराची अपेक्षा ठेवु शकत नाही...
मी बरोबर असल्याशिवाय दुसऱ्याला चूक ठरवू शकत नाही!
याची सदस्यत्व घ्या:
पोस्ट (Atom)